بشار الشاين زايل
شعر: سعيد الغزالي_القدس المحتلة
يا طبيب الروح من هون ما تروح
خليك شوف الألم وين الألم
هون الألم في الصدر يوجع
هات الحبر نكتب
والحبر أسود
بشار الشاين خاين
يا طبيب الروح من هون ما تروح
خليك شوف الألم وين الألم
هات القلم نكتب
وين الوجع نكتب
الخاين شاين
والشاين زايل والله زايل
يا خزاه الله قاتل
يا خزاه الله خاين
هات القلم يا عم
القلم ينزف: نكتب حريتنا بالدم
الحبر اسود
والقلب اسود
أي نعم خاين
الحبر يهتف
القلب يهتف: يا عيب
يا عيب الشوم
يا عيب الشوم عليك
يا طبيب الروح من هون ما تروح
وين الوجع وينه؟
هون الألم في الصدر يوجع
أي نعم هون الألم في الصدر يوجع
والعين تدمع بشار الأسد يا عيب
هون الألم وفي الراس الشيب
ألا تخجل من شعبك يا عيب !!
ألا تخجل من أهلك .... يا عيب!!
من نفسك .... يا عيب
من دمك.... يا عيب
ألا تسمع؟!!
تهجم عا الناس
تحاصر الدار العام والخاص
رصاصك في جسوم الناس يخرم
والدار تهدم
يا عيب
يا خِزيكْ بشار الأسد
العار عارك في العين والاحساس
يخزيك العيب، وما يخطيك العار
والعارعارك في القلب، والإحساس
في حمص ودرعا
تقتل الناس
القاتل زايل
أي نعم زايل
لا تخجل
تحرق الزرع
تنشف الضرع
العين تدبل بكا
والعيب عليك ومنك العيب
والشوم عليك ومنك الشوم
بشار الأسد اسمع
يا طبيب الروح من هون ما تروح
هات الحبر والحبر أسود
هون الألم يوجع
هات الحبر نكتب
إحنا شعب سورية حي
إحنا شعب عربي حي
بشار الأسد اسمع
زايل أي نعم زايل
لا عينك تطرف
لا تسمع... لا تفهم ...
العرب هبوا هبة شعب واحد
العرب ثاروا ثورة شعب واحد
لا يسمع الشاين
أي نعم خاين
أي نعم زايل
0 comments:
Post a Comment