حنكشتيكا يقول: هالحمار نازل طالع يطزع مقال في ط.... مقال ومش زايق عا دمو

حكايات حنكشتيكا الساخرة

حلقة رقم 19

سعيد الغزالي- القدس المحتلة

 أراد حنكشتيكا أن يعمل يذل بالحمار، ويؤدبه بعقوبة ما عمر حدا شافها ولا حسها فيها. اختراع جديد، أخذ يذرع أرض الإسطبل جيئة وذهابا، منتظرا حماره للعودة من مكتبه في رئاسة الوزراء التونسية.

أخذ يحدث نفسه، ويتوعد الحمار بالويل والثبور ويقول: والله لا جيب فاطسك يا أنت اللي ابنها، أيوه راح أجيب فاطسك، وألعن إللي خلفوك، يلعن شارب أبوك ولحيته، يا ابن الـ .... إبنها، جاي يتفلسف عا العرب،ورجال العرب، وفرسان العرب، وشجعان العرب، وقبايلهم وعشايرهم، وجيشهم ووزارتهم واحزابهم وحكوماتهم، وراح معين حالو رئيس وزرا، يعني يمثل الثوار، هو بيمثل الثوار ولا يمثل على الثوار، والله ما أنا عارف راسو من رجليه، مبارح كان مع الثوار، واليوم بدو يلعن فاطس الملوك والرؤساء، كل يوم بيجيب فنه جديده، من وين بجيب ها الكلام والله مش عارف، يمكن في جني براسو، بس أنا تعبت. والله يلعن هيك ثورة بيقودها حمار وإيش عامل حاله مصلح اجتماعي وقائد ثورة.

أخذ حنكشتيكا يشد بشعره من الغيظ والقهر ويقول: طيب راح أستناك وأشوف أخرتها، شو بدي  أسوي مع ها الحمار يا حنكشيتكا. الضرب،  مش نافع معاه نفع ، ولا قاطع فيه التجويع ولا التعطيش ولا حتى التفطيش من البلد، جلدو متمسح، زي الخنزير، طيب السجن، بردوا مش زابطة، شو العمل يا ناس مع ابن الكلب ها الحمار؟ طيب نسلمه للأمن الوقائي، يمكن لما يشوف العين الحمرا،يتربى ويصير زي حمير خلق الله، أي هو ما فش حمار في الدنيا غيره، أي هو أحسن من كل هالناس وهالملايين. نازل يطزع انتقادات ورا انتقادات وما فش شغلة إلا الحكومات، راخ خابط بالقذافي، أي هو قد القذافي، وبعدين راح يتمرجل عا المسكين الرئيس اليمني، صاحب العنزات، والاسد الشاب المتعلم المثقف، وبيقول عنو أخو الشليته،  وشكله كتلة من خرا الثور، وأخو ها الش ... ولا عيب بلاش الحكي، ما خلا حدا من شره ، حتى المالكي، نازل طايح طالع في الجميع زي المنشار، ما حدا عاجبه .. والناس كلهم بيوكلوا وبيشربوا وبيمرضوا وبيتجوزا وبخلفوا وبحبوا السلام، إلا ها الحمار... طيب الناس عاجبها تكون حمير، وأنت شو عاصص على ذنبتك، وبعدين أخرتها معاك....

نكمل غدا